استقالة ابليس‏ !!!

موضوع: استقالة ابليس‏ !!! 2011-08-19, 3:44 am

السلام عليكم ورحمة الله وبركاته

كان في غرفته , يلملم ملابسه في حقيبة إلى جانب باقي متعلّقاته , على المنضدة القريبة كانت استقالته موقّعة ومختومة حسب الأصول , وبجوارها تقبع تيكت إلى جزر القمر

... وين يامسهّل؟ ليش عم بتضبّ غراضك

يازلمة ماضلّلي قعدة عندكون, إلي سنين عاطل عن العمل وقرّبت موت من الجوع .. ما بلاقي معك سيجارة يا أخي ؟

ما رح أترك فيكم لاوسواس ولا خنّاس! كنت زمان بوسوس للوحدة تترك ابنها يبكي وهي عم تحكي مع جاراتها, هلأ صاروا لحالهم يرموا اولادهم بالحاوية أوّل مايجوا

كنت وسوس للواحد ينسى يسمّي الله قبل ما ياكل, هلأ بطّل حدا يلاقي شي ياكلو! يا زلمة إذا أنا إبليس تسمّمت بالشاورما

كنت كمان بوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه

واحد بيسرق 100 مليون عينك عينك بيحبسوه 3 سنين بفيلاّ عالشط , وتنين عم بينبشوا بمكبّ الزبالة بتئوصهن الشرطة , إنتو بدّكون إبليس إنتوا ؟

صار عندكم فائض بالفساد بكفّي 30 سنة لقدّام, صرت خاف على حالي منكم يا زلمة

صرت انجبر مرّات وسوس بالمقلوب وقول للمسؤول إرحم وللحرامي بيكفّي خلّي شويّ للحراميّة اللي رح ييجوا بعدك

يعني إذا إنتو لحالكون ما شاء الله بتعملوا كل هالبلاوي, أنا إبليس شو أعمل ؟ أشتغل شوفير تكسي يعني ولاّ أفتح صالون حلاقة ؟

هم بضحك وهم ببكي

موضوع: رد: استقالة ابليس‏ !!! 2011-09-15, 12:02 am

سبحــان الله هالأشيــاء تصيـر بهالزمــن

حـــتــى من دون وسااوس

اللهـمـ ثبتنـا على طـاعتـك

يعطيك الله العافيه

تــقبل مروري